"في كل بيت في حكاية"
هنا عاشق ولهان،
وهنا واحد ندمان،
وهنا الغلبان الجبان،
واللي مش قدّ الاعتراف.
وهنا بنت حلوة مكسورة،
زي لعبة اتركنت على الرف.
وهنا أب مثالي،
كل مناه ضحكة بنته.
وهنا عازف لحبيبته.
وهنا اتنين عشاق
تحت أمطار الشتا.
الولد اشتاق،
قرر يجري على بيتها،
ويمسك إيدها،
ويجروا تحت المطر.
وهنا حزين بيطلع همومه في الدخان،
وصوت الست على الطرف الآخر.
وواحد يتمتع ويقول:
"قولي يا ست كمان."
في كل بيت حكاية،
من الشتا ولياليه،
وأفكاره وأغانيه،
والحب اللي فيه.
وهنا حد، برغم ليالي نوفمبر،
لسه الحب ما طلش عليه.
"ندي رضا زكي"
الوسوم:
الشعر
Respect
ردحذف