مجله قعدة مُبدعين
عاملين اية ان شاء الله تكون بخير انهارده في حكايه جديده و اغلب البنات بيخاف من الحاجات دي و دي قصه "رنا" اتكلمنا فيها انا و الشيخ عثمان. حقيقي مش عاوز اقول ان كل البنات كده بس اوقات كتيره ان اسمع قصص من ناس او شوف حكايتها في الجواز تخلي عندك انتي Trauma "صدمه" في الجواز كله
و دي الحكايه
____________________________
_عامله اية يا رنا
*كويسة يا دكتور الحمدلله
_دام حمدك اللهم امين، احكيلي حاسه ب ايه
* بصراحة مش عارفه احدد هل ده خوف ولا رهب؟
_ممكن اعرف طيب خوف ولا رهب من ايه
* من الجواز خايفه قطر العمر يمشي من غير ما الاقي الشخص المناسب و خايفه انخدع في المظاهر و خايفه من فكره ان ممكن ميكنش حنين وانا شخصيه حساسه، الكدب بقي عادي جايز يكون خوف عادي بس خايفه يقلب بوسواس..
_انتي ارتبطي قبل كده
* لا، بس سمعت من ناس صحابي انهم ارتبطم و سابو بعض او الجوزها طلقها عشان مش مهتمه بنفسها او جوزها اتجوز عليها عشان بيحبها او ال اتجوز بس لسه بيفكر في حبيبته، سمعت كتير يا دكتور
_و طبعا انتي خايفه يحصل كده في حياتك
*للاسف اه
_لية طيب افترضتي الاسواء لية مفترضتيش الحلو، اصل كل دي افترضيات
* عشان ده واقع يا دكتور البيئه المحاوطه بيا كده و غير كده مش هقولك ان سمعت من صحابي لا انا سمعت من ناس غريبه مش عاوزه مصيري يكون في الاخر ان قاعده في بيت راجل عشان بس اربي اولادي منه
_ طيب ما زي ما في الوحش فيه الحلو و ڪ..
* يا دكتور بص حضرتك حواليك شوف كام بيت اتدمر عشان راجل مهمل او ست مهمله او عشان راجل لسه بيحب حبيبته انا خايفه من الجواز
اتنهدت و قولت
_طيب، انتي خايفه من الجواز و الجواه ولا من الفكرة؟
*خايفه من الشخص الا معايا
_يعني المشكلة مش في الجواز يا رنا
*ايوا
_المشكلة إنكِ شايفة ألف قصة فاشلة، وبتحاولي تعيشي وجعها قبل ما تعيشي حياتك أصلًا.
سكت شويه و سالتها
_في موقف معين خلاكي تفكري بالشكل ده
*بصراحه ايوا، شوفت حكاوي صحابي و ناش تانيه في الشغل ده غير السوشيال ميديا و علاقاتهم طبيعي اتاثر و احس ان ممكن اتظلم
_ايه اكتر حاجة مخوفاكي الخيانه ولا الظلم ولا انك تختاري شخص غلط؟
*اختار شخص غلط طبعا، فرضا لو طلع قاسي و مش حنين فرضا طلع خاين او مهمل في حياته كلها و رامي الحمل البيت و العيال عليا
_حيلك حيلك بس انتي كل ده افتراضيات مش حقيقه يعني لو في حاجة ضمنت انك هتعيشي في سعاده هتكملي؟
*مش عارفه
_طيب، لو بنت صحبتك قالت نفس كلامك هتنصحيها بايه؟
*برضو مش عارفه
_ ايه معني الامان بنسبالك يا رنا؟..
*بيت هادي مفهوش خناق، زوج كويس و صالح بيتقي ربنا و انا كمان اتقي ربنا فيه، بيت احب ان مسبهوش او اخرج منه معني الامان بنسبالي في شريك يكون كل حاجة ليا مفكرش دقيقه ان اتردد اقول حاجة، شخص يكون كويس مش عاوزه مثالي بس علي الاقل كويس
ابتسمت وقلت:
_يعني انتي مش عاوزة قصر ولا أمير، انتي عاوزة راحة بال
*أيوا، هو ده بالظبط.
_طيب قوليلي، هل الشخص ده مستحيل تلاقيه؟
* لا، أكيد موجود.
_أومال ليه متأكدة إن نصيبك هيبقى العكس؟
*عشان خايفة
_الخوف مش دليل يا رنا.
* يعني إيه؟
_يعني كونك خايفة من حاجة، مش معناه إنها هتحصل. وإلا كان كل طالب خايف من الامتحان سقط، وكل مريض خايف من العملية مات
سكت شوية
_انتي بتدوري على الأمان في المستقبل، مع إن الأمان الحقيقي عمره ما كان في المستقبل
* أومال فين؟
_في ربنا
بصيتله باستغراب
_لأن حتى لو جالك أحسن زوج في الدنيا، فهو بشر. هيغلط، وهيتعب، وممكن يقصر. لكن لما يكون اعتمادك الأول على ربنا، وقتها الخوف من البشر بيقل
* يعني أتجوز وأنا مش خايفة؟
_لا، خافي عادي. الخوف الطبيعي موجود عند أي إنسان. لكن متخليش الخوف هو اللي يسوق حياتك.
وفي اللحظة دي رن عليا الشيخ عثمان و قولت له حكايه رنا قالي ان عاوز يجي طبعا سمحت انه يجي و اتكلم مع رنا و قال
• اسمحيلي أسألك سؤال يا رنا.
* اتفضل يا شيخ.
• لو ربنا سبحانه وتعالى عرض عليكي دلوقتي تعرفي كل تفاصيل مستقبلك، كنتِ هتوافقي؟
* لا... أعتقد لا
• عارفة ليه؟
* ليه؟
•لأن من رحمة ربنا بينا إنه خبّى عننا الغيب. فإحنا مطلوب مننا نحسن الاختيار، مش مطلوب مننا نعرف المستقبل
سكتُّ أفكر في كلامه
• يا رنا، انتي بتطلبي من نفسك حاجة ربنا نفسه ما طلبهاش منك. بتطلبي ضمان إن مفيش وجع، ومفيش إنسان يقدر يدي الضمان ده
*أومال أعمل إيه؟
• اختاري بعقلك، واستخيري ربك، واستعيني بأهلك، وبعدها توكلي على الله. أما نتيجة الطريق فهي عند الله وحده.
*أول مرة أحس إن المشكلة مش في الجواز ولا في الناس.
•أومال في إيه؟
*في إني عاوزة أعرف بكرة قبل ما ييجي.
ـــــــــــــــــــــــــــــــــــــــــــ
شخصيه رنا في كل بيت و كل بنت جايز تكون بتفكر كده و عندها خوف بس الاهم من انك تخافي انك تحسني الظن بالله
ڪ/ولاء البدري
كاتبه ليلو
حكاوي ليلو
