مجلة قعدة مُبدعين
الشاعر أحمد جاويش
"قطر العمر"
العمر زي القطر مبيستناش ★ وكلنا فيه ركاب أنا والناس
الغريبة عننا والقريبة والوشوش ★ الفرحان والحزين واللي بدون إحساس
واللي في دنيا لوحده تايه ★ في بكره والهموم عليه تقال
ومهما يداري باين عليه ★ إن التعب في عينه طال
ينزل ركاب وييجي غيرهم ★ ناس كانت يوم قريبة لينا
وكنا بصدق حابينهم ★ وسابونا تايهين في سكينة
كان عندي حلم كمان ★ كنت بعافر علشانه زمان
بس نزل مع اللي سايبين ★ واتكسر جوايا الأمان
ومهما طالت بينا المحطات ★ النهاية معروفة في يوم الوصول
هننزل ونسيب الكل ★ ونبقى ذكرى بعد الرحيل
أكيد هبقى ذكرى يوم ★ وحد يفتكرني بين الكلام
سلام يا قطر العمر ★ وسلامي للناس والسلام
Vs
الشاعر أحمد عاشور
"قطر العمر"
الحِمل جاي عمال يِفنط فـ الهزايم
عايز يشوفني عـلي الحقيقه..
وأنا اللي صبري نَفد من أول دقيقه..
مانيش أيوب عشان أنزع
وسامة قلبي بإيديا وأحط الصبر..
ومانيش آدم عشان حوا
هأشوف الدنيا باب القبر..
معرفش إمتي هاقولهم
إني ضعيف ما أقدرش أشيل الحمل بزيادة..
أنا لحم كتافي إتنسّر من الشيلة
ولسه مكمل طريقي كالعادة..
