مجلة قعدة مُبدعين
حوار مع الكاتب عبدالرحمن أبو العزم
الأسم: عبدالرحمن يوسف زكي محمد أبوالعزم
السن: ٢٢سنة
المحافظة: الغربية
أبرز أعماله: رواية بذور الحرب
الموهبة: كتابة الرواية و القصة القصيرة
ضمن سلسلة الحوارات التي تقدمها مجلة “قعدة مبدعين” مع أصحاب التجارب المميزة في عالم الإبداع، نلتقي اليوم مع (عبدالرحمن أبو العزم )، أحد الأسماء التي استطاعت أن تصنع لنفسها حضورًا لافتًا في مجال (الكتابة).
وخلال هذا اللقاء نحاول الاقتراب من عالمه الإبداعي، لنتعرف على البدايات، والتحديات، والأفكار التي تقف خلف أعماله.
حوار: الإعلامي والصحفي يوسف سليم.
1. امتى اكتشفت إن عندك موهبة الكتابة؟
فضلت سنين اجرب اكتب شعر، ولكن اكتشفت موهبتى فكتابة الروايات والقصص القصيرة من 3 سنوات.
2. إيه أول حاجة كتبتها وكنت فخور بيها؟
اول حاجة كملت و افتخر بيها كانت قصة قصيرة بعنوان شاه مات.
بتوصل رسالة عن مشاكل مجتمعية عن طريق صور مستوحاة من الشطرنج.
3. ليه قررت تنشر كتاب بدل ما تكتفي بالكتابة لنفسك؟
حسيت اني أقدر أقدم حاجة جديدة في السوق، و في نفس الوقت اوصل لجزء من الشباب اللي مبيحبش القراءة، و اجذبهم للقراءة.
4. أكتر حاجة بتلهمك وانت بتكتب؟
التفكير في ايه انا لو قارئ هحب اني اشوفه بحيث اني أقدم للناس حاجة يحبوها زي ما انا بحبها.
5. بتكتب وإنت حالتك النفسية عاملة إزاي غالبًا؟
مفيش مزاج ثابت لأن لو مزاجي و انا بكتب ثابت يبقى مزاج الرواية واحد، و لكن الرواية لازم تكون فيها صعود و هبوط ما بين حماس و اكتئاب.
6. إيه أصعب حاجة قابلتك في بداية طريقك؟
الضغط مع دراسة الطب، و غيرها من المتطلبات في حياتي بتاكل جزء كبير من وقتي، فمبلاقيش وقت كبير للكتابة.
7. حد انت متأثر بيه في الكتابة؟ وليه؟
مش متأثر بشخص قد ما انا متأثر اكتر بفكرة الألعاب الRPG لأنها بتساعد جدا في الواحد يتعلم ازاي يقدر يكتب شخصيات مميزة بذاتها مش كل شخصية تبان نسخة من اختها.
8. بتحب تسمع نقد ولا بيضايقك؟
لو مسمعتش نقد مبقاش كاتب النقد هو الطريقة الوحيدة للكاتب أنه يحسن نفسه سواء بأنه ينقد نفسه أو قارئ فاهم ينقده نقد بناء مش لمجرد النقد.
9. تحب القارئ يحس بإيه بعد ما يخلص كتابك؟
انه يحس انه مبسوط أنه قدر يشارك الشخصيات فرحهم و حزنهم و قدر يفهم الأحداث كلها، و متحمس لأنه يعرف تكملتها.
10. إيه نصيحتك لأي حد نفسه يبدأ يكتب ومش عارف يبدأ منين؟
أرسم الخطوط العريضة و أبدا بعدها، لو استنيت أنك تعرف كل تفصيلة في الرواية من قبل ما تبدأ كتابة مش هتبدا، وإن بدأت مش هتكتب كل اللي خططتله قد ما الرواية فعل مخطط، إلا أنها عاملة زي البحر انت اه متوقع المد و الجزر و لكنك متقدرش تعرف كل موجة هتتحرك ازاي.
وفي ختام هذا اللقاء الشيق، لا يسعنا إلا أن نتقدم بخالص الشكر والتقدير لـ (عبدالرحمن أبو العزم ) على هذا الحوار الصادق والمُلهم، الذي أتاح لنا فرصة الاقتراب أكثر من عالمه الإبداعي والتعرف على رؤيته وتجربته عن قرب.
وتؤكد مجلة “قعدة مبدعين” أنها ستظل دائمًا مساحة مفتوحة لكل صاحب موهبة حقيقية وصوت إبداعي يستحق أن يُسمع.
نلقاكم قريبًا مع تجربة جديدة ومبدع آخر في حوار مختلف… لأن الإبداع لا يتوقف.
حوار: الإعلامي والصحفي يوسف سليم
