"فلسطین"
هحكيلكم حكاية جميلة جداً
افتحوا ودانكم واسمعوها
عن بنت حلوة اوووي
تسحر العيون ان شافوها
البنت اسمها فلسطين
وكان في طفل من اطفالها
قعد قدام الاقصي
وسرح في جمالها
فا بيقول ايه؟:
نفسي ترجع بلدي حر
وجميلة زي زمان
ونطرد الصهاينة برا
ونعيش في راحة وامان
وامشي في شوارعها والعب
واعيش زي اي انسان
واكتب اسمها بالبنط العريض
وارسم علمها علي الحيطان
ونرسم جنينة خضرة
ونلونها بالالوان
لاكن مكتوب عليها تخرب
وتصبح رماد ودخان
ومن الخوف حاولت اهرب
واسافر لاي مكان
بس بلدي بولادها اولي
فلسطين في دمي ادمان
احتلوكي سنين وسنين
واحنا معاكي ليوم الدين
هتفضلي حرة يا فلسطين
وعلشان الاقصي عملنا طوفان
هترجع بلدي حرة
وجميلة زي زمان
ومسير الحدوته تخلص
ونقول كان يا مكان
كان في بنوتة حلوة
اسمها فلسطين
وقفت جمب ولادها
لحد ما هزموا العدوان
بقلم الکاتب/أحمد السرحاني
الوسوم:
خواطر
