مرحبا بك في مجلة"قعدة مبدعين" يسعدنا ويشرفنا أن نلتقي بهذه الموهبة العظيمه في مجلتنا:
1_لنبدأ بالتعرف علي بداياتك، هل يمكنك أن تخبرنا قليلا عن نفسك؟.jpg)
.jpg)
الاسم: أحمد جاويش، شاعر عاميه ومؤلف خواطر شاركت فى اربع كتب ورقى وثلاث كتب إلكترونى وليا قصايد كتير وشاركت فى بعض الحفلات.
السن: 20 سنه
محافظة: الغربية
2_ما الذي دفعك للكتابة؟
_حبى للكتابه عموماً ولكن الشعر من اكتر الكتابات التي أبدع فيها وفى نفس الوقت بقدر اوصل الاحساس للقارئ
3_متي بدأت كتابة؟
_بدأت رحلتى من سنه تقريباً وكانت بدايتي فى مسابقه تبع المعهد ال بدرس فيه كنت وقتها بحب أكتب ف قررت اشارك معاهم ودى كانت بدايتي
4_وكيف إكتشفتها؟
_لما دخلت بعد بدايتي مع مبادرة اتحاد المواهب اكتشفت مواهب كتير كانت عندى فى مجال الكتابة عموماً مش بس الشعر تعلمت منهم كتير وبقيت أفضل فى الكتابه مع الوقت والتدريب
5_ما هي إنجازاتك ؟
رجعالى بعد سنين غياب
رجعالى بعد ما كنت قفلت وراكى الباب
وايامى من بعدك مليها الضباب
وايام بتعدى عليا زى السراب
كنتى فين وانا فى اوضتى
مستنى اشوف رساله منك تهديني
صعب بعدك وكان على عيني
تفارقى من البدايه
بس كانت دى النهايه
بإن كل واحد يفارق التانى
ومش فارقه هنعانى
شويه بس والدنيا هتعدى
بس حاولى مترجعيش
وسيبنى من تانى اعيش
واحب وأشوف غيرك
لا تستهالى قلبى ولا انا استهلك
رغم إن قلبى معاكى وحواليكى
بس مش قادر احبك ولا ابعد عنك
صعب عليا فراقك
يوجعني بعدك
بس مش هموت من بعدك
وهكمل حياتي عادى
وهتشوفى بعينك حالى
رايق و انتى اتنسيتي
كنت فكره فى خيالى ومشيتى
وعايش لوحدى مبسوط لحالى
ولا حد يتعبنى ولا بشغل بالي
بكلام اخر الليل يهد فيا
وادينى ارتحت خلاص من الاذيه
وشكراً لى بعدك
والحياه وهتحلو من بعدك
وشكراً على بعدك
اصل معتش فارق وجودك من غيابك
سلام
6_من الذي دعمك لتسيير في هذا الطريق لتصل لما أنت عليه الآن؟
_هو مش شخص واحد هما ناس كتير دعمتنى إذا كان من تيم اتحاد المواهب او من اهلي اصدقائي.
7_ما هي التحديات التي واجهتك في هذا المجال؟
_فقدان الشغف كان من اصعب التحديات ال قابلتني عدم ترکیزي على النقد او التعليقات عموماً بس لو ركزت بشتغل على العمل تانى واحاول اصلح فيه المشاكل
8_هل لديك مواهب آخري؟
_ كتبت الخواطر
9_كيف تتعامل مع النقد او التعليقات على عملك؟
_لم أركز على النقد او التعليقات بس لو ركزت بشتغل على العمل تانى واحاول اصلح فيه المشاكل.
10_رسالتك لكل شخص يمتلك هذه الموهبه أو يمتلك موهبه أخري؟
_ ركز على موهبتك وحاول تتطور نفسك فيها وخليك عارف لایوجد احد يحبك وانت فاشل فقبل ما تنجح علشان حد أنجح علشان نفسك ونمي موهبتك واتعلم واعرف عنها اكتر وإن شاء الله كل واحد يوصل لى ال نفسه فيه
11_ما رأيك في المجله وفي هذا الحوار؟
_مجله كويسه جداً وشكرا لهم لأنهم يحاولون تشجیع الناس على تطویر موهبتهم اما الحوار ف انا سعدت جداً به وشكرا ليكى على الحوار الجميل ده.
شكراً لك على وقتك ومشاركة أفكارك معنا نتمني لك كل النجاح.
بقلم/الصحفيه /أسماء أشرف
