حكاية بيت

 حكاية بيت

إقرأ أيضا حلم جالي

فيه علاقة بتفشل مِ الأول

و تحول ناجح مهزوم

و علاقة بتفشل و تطوّل

و بسبب الأطفال بتدوم

و علاقة بتنجَح و تنجّح

و بتسمح لنجاحكم يمسح

كام عيب فى الطرف اللى بيصبح

أسباب الفرح المحتوم

إن كنت من النوع الأول

فأكيد إنت نجيت مِ التانى

و إن كنت من التانى / عيالك ..

حكمة من العدل الربانى

و إن كنت من التالت إوعى

تتعامل مع قلب كسلعة

عينك هتشوف غيرك طامعة

تبقى أحسن فتعيش بتعانى

حبيت ؟

طب ماشى و مين قدك !

و جريت على حب و ما بِيدّك !

خلّيه بقى حافز و أهو هدفك

تلاقيه فى حدود المتناول

بصيت على سعيك و صراعك ؟

يستاهل تنجح ؟

ده بتاعك 

حتى و لو شايف تستاهل ..

و فشلت فمن تانى تحاول

دى بسيطة الناس بس عاملهم

زى ما حبيت كده تتعامل.

الشاعر/إسلام حجازي