مجلة قعدة مُبدعين

"وجع الحياة"

يا شارع شايل الخطاوي.. وعارف مين اللي فينا مكسور

فيك الوجع مالي الزوايا.. والبرد في ضلوعنا محفور

الرصيف بيأن تحت جزمة التعبان.. والأسفلت من الهموم مقهور

والعيون بتدور على لقمة.. في زحمة مفيش فيها نور

يا ضلمة السكك اللي تاهت.. وخبت ورا بيبانها قصور

في كل ركن حكاية بايتة.. وصوت طفل بالوحدة مهجور

والنور في عمدانك مطفي.. زي القلوب اللي ملت تدور

بنعدي فيك والغربة فينا.. والوقت واقف مابيمرّش بـ سرور

يا حزن مرسوم على الحيطان.. وبشر بتجري ورا وهم وبحور

يا وجع الشوارع اهدي شوية.. العمر عدى والقلب مقدور.

الشاعر أحمد عاشور

"وجع الحياة"

تخيل من وأنا عيل صغير بتمني الكِبر

تخيل وأنا كبير بتمني الموت

عايز احس برهبة عزرائيل والقبر

عايز اشوف ناس دايسين زرار الصبر

يمكن دا وصف مش إنساني

وفيه بعيد الشر

بس الموت ف الحياة

احسن م الموت ف الفَر .

تحدي الشعر الخامس (نصف النهائي)