مجلة قعدة مُبدعين
حوار مع الفنانة سلمى حسن
الأسم: سلمى حسن
السن: 16
المحافظة: الشرقية
الموهبة: الرسم
الفن ليس مجرد ألوان تُرسم على لوحة، بل هو لغة خاصة يستطيع من خلالها الفنان أن يعبّر عن أفكاره ومشاعره دون أن ينطق بكلمة واحدة. ومن بين المواهب الشابة التي اختارت أن تعبّر عن نفسها بالريشة والألوان، تبرز الفنانة (سلمى حسن) التي استطاعت أن تقدم أعمالًا فنية تحمل الكثير من الإحساس والتعبير.
وفي هذا اللقاء تحاول مجلة قعدة مُبدعين الاقتراب أكثر من عالم الفنانة سلمى حسن، حيث أجرى الكاتب والإعلامي يوسف سليم هذا الحوار ليتعرف من خلاله على بدايتها مع الرسم، وما الذي يلهمها في لوحاتها، ورؤيتها للفن كوسيلة للتعبير والتواصل مع الآخرين.
1. هل الرسم عندك موهبة ولا ملجأ؟
بصراحه الاتنين، موهبة ربنا إدهالي وفي نفس الوقت ملجأ بهرب ليه.
2. إمتى حسّيتي إنك مش بس بترسمي… لكن بتقولي حاجة؟
لما حسيت ان الرسم بقي بيعبر عني اكتر من الكلام.
3. بتحبي تعبّري عن مشاعرك في لوحاتك بشكل مباشر ولا رمزي؟
بصراحه بحب بشكل مباشر، لما بحس بحاجه بحبها تظهر في الرسمه زي ماهي، من غير لف كتير بحس ده بيخلي الرسمه صادقة اكتر.
4. هل في لوحة رسمتيها وكانت قريبة جدًا من وجع شخصي؟
اه في رسم رسمته، وانا كنت بمر بحاجات مضيقاني فعلاً.
5. إزاي بتختاري ألوانك؟ بعقلك ولا بإحساسك؟
بعقلي و إحساسي مع بعض.
6. هل الفن محتاج دراسة أكتر ولا إحساس أكتر؟
الاتنين مهمين، بس الاحساس هو اللي بيدي للرسمه روح.
7. حصل إن حد فهم لوحتك بشكل مختلف تمامًا عن قصدك؟ وإحساسك كان إيه؟
لا... رسمي واضح، وكل حد بيفهمها بسهولة.
8. لو اتشال اسمك من على لوحة، هل بصمتك تقدر تتعرف؟
اتمني كده، وكل فنان ليه طريقة مميزة حتي لو بسيطه.
9. إيه أكتر نقد أثر فيك سواء إيجابي أو سلبي؟
مفيش حد انتقد الكل عاجبهم رسمي.
10. لو هترسمي لوحة واحدة تمثلك أنتِ… هتبقى عاملة إزاي؟
هتبقي بنت قاعدة بترسم وحواليها الوان كتير، وهي مركزه في الرسمه الي قدمها وفي هدوء حواليها، كأن الرسم هو المكان اللي بفهم فيه نفسي اكتر.
ومن جانبنا في مجلة قعدة مُبدعين سعدنا بهذا اللقاء مع الفنانة سلمى حسن، ونتمنى لها مزيدًا من النجاح والتألق في رحلتها الفنية، وأن تستمر في تقديم أعمال تعبّر عن موهبتها وإحساسها الفني.
حوار: الكاتب والإعلامي يوسف سليم
