خلى المعلومات دى فى بالك وانت بتكتب عقد سواء بيع أو ايجار أو مشاركه أو اتفاق
۱ - العقد مش هيكون باطل لو مافيش شهود ماضين عليه المهم توقيع الشخص الى هيبعلك مش الشهود
٢ - العقد لازم يتكتب فيه تاريخ ما ينفعش يكون فاضي وحضرتك تقولى نبقى نكتب التاريخ براحتنا
٣- مافيش حاجه اسمها خالص الثمن حضرتك بتكتب في العقد أن تمن الشيء المبيع كذا وتم سداد كامل الثمن بمجلس العقد ما ينفعش تقولى اكتب خالص الثمن حضرتك مش بتشترى من كارفور ده عقد وله بنود وشروط
٤- ياريت حضرتك لو مش هنتقل عليك سواء بائع أو مشتری تمضى على كل ورقه ياريت ما تستسهلش وتكسل
ه - قولنا مليون مره في فرق بين صحة التوقيع
والتسجيل ومش كل العقود ينفع تتسجل في الشهر العقاري ومش معنى أن العقد عليه ختم صحة توقيع يبقى أتسجل.
٦ - مافيش حاجه اسمها تنازل على ظهر العقد ويبقى كده أشتريت ... أشتريت يعنى أعمل عقد بيع وشراء
٧- ياريت لما حضرتك تشترى شقه أو تأجر تاخد آخرإيصالات مياه وكهرباء وغاز علشان لو المشترى باعلك مش هتشوف وشه تانی و غصب عنك هتدفعهم
٨- صحة التوقيع مهمه وبتثبت تاريخ البيع وتوقيع البائع والمشترى ما تعملش ناصح وتقول مالهاش لازمه علشان ماترجعش تعيط بعد كده وعلى فكره ينفع المشترى يرفع صحة توقيع على البائع وكمان ينفع البائع يرفع صحة توقيع على المشتری مافیهاش حاجه کلواحد يضمن حقه
٩- لو حضرتك اشتريت شقه تمليك ومالكش حصه في الارض والبيت وقع كده حضرتك مالکش ای حاجه یعنی حضرتك اشتريت حيطان بس
۱۰ - لو اشتريت شقه من واحد والشخص ده اتوفی بعد ما بعلك من حقك ترفع صحة توقيع على ورثته عادي
١١ - عقد الإيجار ممكن يتعمل عليه صحة توقيع لو مدة الإيجار اكثر من 9 سنوات ولو أقل من كده يبقى إثبات تاریخ
۱۲ - ياريت قبل ماتشترى شقه تسأل هل صدر لها قرارتمكين ولا لا علشان لو زوجة البائع كانت عامله قرارتمكين للشقه قبل ما يبعها يبقى عليه العوض ومنه العوض
۱۳ - ياريت لما تشترى شقه ويكون عليها أقساط تعمل العقد من ۳ نسخ البائع ياخد نسخه والمشترى ياخد
١٤ - على فكره عادي جدا انك ترفع دعوى صحة توقيع على عقد ابتدائى أو عقد لسه عليه أقساط.
كتبها/ أحمد خضر
