ويلي يا أمه
ويلي يا أمه ويل
الحزن شايله شيل
وجع الفراق مرارني
والقلب طفح الكيل
ليل طويل ومفيش دليل بيوصلك
كل الحاجات بتدمرك وبتكسرك
مهما كان قلبك قوي
ناس كتير حواليك وجنبك
عمرهم ما هيبقوا شبهك
ناس تحاول تكسرك
ناس ضعيفه توقعك
انت الجميل وسط الوحوش
اللي يهرب و اللي يسرق وده يحوش
الف وش من الوشوش
يتلونوا وبيغزلوا احزان وجع
اصلك كبير اصلك جدع
انت نور وسط الظلام
هم جرح فقربهم كل الالام
قلبي تايه ف الدروب
وسط ناس مالهاش قلوب
ابعد يا قلبي لتنهزم
ف كل لحظه ناس وشوشها تترسم
بيسمعوك احلي الكلام
كل الكلام من غير حروف
احساس بخوف
من اللي جاي
ومن الزمان
محتاج يا قلبي كتييييير امان
شعر بقلم/ الشاعره غاده محفوظ
إقرأ أيضا خصم عنيد
الوسوم:
الشعر
