"مره صاحبي"

«مره صاحبي» 

مره صاحبي نقلي كلمة..

 قالها أخويا في قعدة عني..

قولت عارف..

قولت عارف جه وقالي..

بس جوايا قالي..

أخويا! طب فين؟! وإمتى؟! 

 ازاي؟!وليه؟!

أخويا هيعمل كده ليه؟!

أخويا دَ اللي لما أميل..

أنا كنت بتسند عليه! 

أخويا دَ كان ضهر ليا..

كنت أنا بتحامى فيه!

أخويا دَ إبن أمي وأبويا..

لو أشوفه كنت أجري عليه..

دَ اللي كنت أتباهى بيه؟!

دَ اللي كنت أقول عنه..

دَ حته مني وأنا حته منه..

دَ اللي كنت أمشي وأقول..

أخويا دَ إبن الأصول!

كنت أقول دَ سيد الناس..

دَ تاج ويتشال على الرأس..

قولت فيه أشعار كتيرة..

قولت عنه دَ جِميلة..

هدية من أبويا  ليا..

وطلعت أنا المضحوك عليا!

وطلعت أنا المضحوك عليا..

بقلم/إسراء علي شاهين