صباح الخير
يالون الشمس في شروقهاا يا لحن الطير
يا ضحكة قمره يوم طوقهاا ولونها حرير
يا مالكه القلب كيف سوقهااا ورافضه تشربيه من الزير
يا لمة بيت صعيدي في يوم طهور الواد علي المزامير
صباح الخير
يا خوف الاب علي بنته فـي روحتها لدرس وحديهاا
يا ضحكة بنت فرحانة بأول يوم زفاف ليهاا
يا ورده اتنفست بلداان علي كفيلها وساقيها
يا لوحة غلبت تفاصيلها وتاه الهامي ف عنيهااا
صباح الخير
يا رمز سلام
يا كل روآي في الأحلام
يا أجمل خطوة اخدتها لقدام
يا يوم الجمعة في الأيام
وصفت بنات كتير قبلك لكني قصادك! إستفهام
وكنت أتمني يوم واحد تحبيني
تكوني قاموسي في التعليم ويوم ما اغلط تمليني
تشيلي المر من حلقي تفضيني
تكبي عليا من عسلك ف تمليني
يفيض حبك عليا رحيق تحليني
يوماتي اعتدت اصبحهاا
وهي بخيله يوم بترد عليا بصباعها
ويوم يغلب عليها الكبر تتجاهل
عنيدة البنت في طباعها
واني ارد كبر ب بحب مش ساهل
تكب عليا نفط وزفت من صاعها
وتزعل مني لو قلبي بنارها في مره يتفاعل
انا مش حمل سيطرتك واڤورتك وتغييرك
أنا مش حمل تأثيرك
أنا إنسان فيني وفين هي
سكنتها الشريان؛ كنت ليها تسليه
عملت ثورة لأجلها ورفعت يافطه بإسمهاا
هدت حصوني بغدرها، وسابتني وحديا
فيني وفين هي
أنا حبيتك حب بسيط
حب الطفل المتعلق باللعبه
ذموني ف حبك ٢٠٠٠ مره وقالوا عبيط
كان كل طموحك تلبسي دبله
لساتهم بيذموا عليكي؛ ووصفينك بالهبله
الحب المتيتم من أهله
يموت أشرف له؛ ولا يطلب منهم أي محاوله
لا أنا بشبه قيس، ولا فيكي ملامح من ليلى
ورسمتوا علياا شروط عنتر
مع أنك اصلا مش عبلة
أنا حبيتك حب فقير ... حب فقير
قلبي نبض من اول مره بدون تفكير
شافك غير كل بنات حواء شافك غير
كان فيكي حجات مختلفه متقبلش التغيير
كان قلبك ثابت متحملني بكل مشاكلي
دلوقتي انتي اللي بتتشاكلي
امنتك ارضي واسراري فـ بعتي الأرض وبعتي البير
كنتي في عيني براعم طوبة أصبحتي عواصف امشير
قصتنا الفاشله هتتشال من دستور الأساطير
هبدأ يومي بطولي لوحدي بدونك عادي
بدون ما اكتب لك حتي صباح الخير
كلمات/ أحمد إبراهيم ضيف
إقرأ أيضا العراب طبيب جيل
