حوارنا يختلف جذريا، فهو ميثاق وعهد نعرفه في حوار مع القارئة آلاء إبراهيم
من هي آلا إبراهيم؟
اسمي آلاء إبراهيم أبو شهدة، عندي 17 سنة، من دمياط.
ما موهبتك؟
قراءة القرآن الكريم
ماذا تمثل لك القراءة؟
القراءة بالنسبالى تقدري تقولى روحي وكمان هي اللي بتديني طاقة وأمل لأني بعتبر القران الكريم ليا كل حاجة.
منذ متى بدأت القراءة؟
بدأت قراءة قرآن من أولى إعدادي تقريا، كنت بقابل انتقادات كتير جدا من قبيل (انتي يبنتى مبتعرفيش تقرأي زي الشيوخ مين قالك أن انت موهوبة .. مين قالك انك صوتك حلو اصلا ) مكنتش بلتفت ليها وساعات كتير اوي كنت بزعل منهم المهم فضلت أتدرب واشتغل على نفسي لحد ما افحمتهم دلوقتي
كيف حصلت على إنجاز بالقراءة؟
حصلت على شهادة من مسجد الإيمان بدمياط لختم الجزء الاول من سورة البقرة بالتجويد وحاصلة على شهادة من مسجد التقوى لحفظ جزء عم وشهادة أخرى لاتمام جزء عم وتبارك بالتجويد من دورة على الانترنت (دورة اقرأ)
اهم انجازاتك؟
اني قدرت أتقن قراءة القرآن كاملا بالتجويد وفي طريقي لختمه إن شاء الله
مين قدوتك من القراء؟
الشيخ : محمد صديق المنشاوي
و ناصر القطامي
واجهك نقد، أو مليتي قبل كده؟
جدا بصراحة بس كانت الحاجة اللي بتدفعني دائما اني هلبس والدي التاج يوم القيامة وادخلهم الجنة معايا
ليكي لقب؟
اه
لقبك ايه؟
لؤلؤة القرآن
اشتركتي في مسابقات قبل ذلك؟
ايوه مسابقة ترند المواهب وخدت فيها شهادة وفوزت بالمركز الثالث في قراءة القرآن الكريم
ايه اكتر حاجه بتحبيها في قرائتك؟
بحب هدوئي في القراءة واحساسي بالايات واندماجي معاها
ليكي صفه خاصه في القراءه؟
ليا رتم خاص بيا عشان أنا مش بقلد قراء معينين
ايه هدفك من القراءه؟
انشر الخير عشان اغطي على الشر والمنكر اللي موجود في مجتمعنا دلوقتي
إقرأ أيضا حوار مع الرسام أحمد حسن
ايه اكتر حاجه لازم تتميزي بيها عشان تكوني قارئة بمعنى الكلمه؟
أن آخد إجازة في قراءة حفص عن عاصم واقدر احفظ الاطفال أو حتى اللي من سني واني يبقى ليا أثر بعد موتي
ليكي اوقات مفضله للقراءة؟
ايوا، نبرة صوتي بتتأثر بالوقت جدا بعد العصر بيبقى احسن وقت ليها
مين اكثر داعمينك؟
بابا وماما هما اكتر داعمين ليا بجد ولما بقرأ بيقعدوا يسمعوا ليا وبالذات نينة بتحب صوتي اوي
هل كنتي سعيدة بهذا اللقاء؟
ايوه بصراحة جدا واتمنى يتكرر تاني لما اجيب أوائل جمهورية بإذن الله في الثانوية العامة
وفي نهاية الحوار، ممكن تمني للمجلة أمنيه؟
اتمنى ان المجلة تكبر وبجد سعيدة باللقاء جدا
حوار/ مريم وليد الحلفاوي
سعيده جدا بالقاء معك.
الوسوم:
حوارات صحفية
